Чарм қўлқоп усталаримиз “Dracula” турнирини “ёндиришди”

15-23 февраль кунлари Руминия давлати ёшлар ва ўсмирлар ўртасида “Dracula” очиқ турнирига мезбонлик қилди. Ушбу мусобақада эса, Сирожиддин Наимов бошчилигида жамоамиздан 4 нафар боксчи иштирок этди. Қувонарлиси, вакилларимиз 3 та олтин ва 1 та кумуш медалларини қўлга киритдилар. Умумжамоа ҳисобида 35 нафар боксчи билан иштирок этган Қозоғистон терма жамоаси биринчи ўринни эгаллаган бўлса, сонга эмас сифатга урғу берган чарм қўлқоп усталаримиз иккинчи бўлди. Мезбонлар бу сафар учликда қолишди.

Қайд этиш жоиз, 20 давлатдан 300 га яқин боксчи ва айрим жамоалар 30 дан ортиқ спортчи билан иштирок этишса ҳам, терма жамоамиз доимгидек "Ўзбек бокси"ни жаҳонда тенгсизлигини исботлаб қўйишди.

Мусобақанинг энг яхши боксчиси соврини ҳам бизнинг вакилга топширилди. - 63 кг вазнда чемпионликни қўлга киритган Саидхўжа Саъдиллахўжаев барчадан устун кўрилди.

Ғолиблар ва совриндоримиз билан танишинг:

Олтин медал:
-54 кг: Бобомурод Боймирзаев
-60 кг: Аброрбек Шарипов 
-63 кг: Саидхўжа Саъдиллахўжаев 

Кумуш медал:
-57 кг: Асилбек Абдуқодиров

Бу ҳақда Ўзбекистон бокс федерацияси хабар берди.