Чеферин: "УЕФА – молиявий тақсимот борасида мўъжиза"

УЕФА президенти Александер Чеферин ташкилотни фақат даромадга йўналтирилган тузилма сифатида кўриш хато эканлигини таъкидлади.

"Кўпинча УЕФА фақат пул ишлаш ҳақида ўйлайди, деган фикрни эшитаман. Лекин биз совуқ ва ҳис-туйғусиз даромад машинаси эмасмиз. Биз маблағ тўплаш ва уларни адолатли тақсимлаш борасида ҳақиқий мўъжизамиз ва буни сидқидилдан амалга оширамиз."

"Биз футбол ва унинг ишқибозлари учун ишлаймиз, қисқа муддатли даромад эмас, балки умумий манфаатни кўзлаймиз. Бизнинг асосий мақсадимиз футболни ҳар бир даражада қўллаб-қувватлашдир, чунки молиявий барқарорлик бу ўйин учун муҳим омил."

Чеферин "HatTrick дастури" ҳақида ҳам гапириб, уни спортдаги энг катта маблағ тақсимлаш тизимларидан бири деб атади. Ушбу дастур орқали Европа чемпионатларидан тушган даромаднинг катта қисми миллий футбол федерацияларига йўналтирилади.

Шунингдек, Чеферин футболнинг сиёсатдан юқори туришини таъкидлади:
"Сиёсат деворлар қуради, футбол эса кўприклар бунёд этади. Биз футболни бу бўлинган дунёда бирлик рамзи сифатида сақлаб қолишимиз керак" - дея таъриф бериб ўтди УЕФА президентию