“Челси” 8 йилда бир марта майдонга тушган ўйинчиси бўйича таклиф олди

Daily Mail нашрининг ёзишича, “Челси” ярим ҳимоячиси Льюис Бейкер клубни тарк этишга қарор қилган.

Бу ўйинчи яқинда Англия кубоги доирасида “Честерфилд”на қарши учрашувда майдонга тушганди. Унгача тадрибали ярим ҳимоячи охирги марта “Челси” таркибида 2014 йилнинг 5 январида ўйнаган.

Бейкерга “Стоук Сити” қизиқиш билдирмоқда. Гарчи ўйинчининг амалдаги шартномаси ёзгача давом этса-да, бу жамоа мутасаддилари “аристократлар” раҳбариятини уни бепул қўйиб юборишга кўндирмоқчи.

10 ёшида “Челси” академиясига қабул қилинган Бейкер бунгача тўққизта жамоада ижарада юрган.