"Челси" АПЛ юлдузини сотиб олмоқчи

Лондоннинг “Челси” клуби бош мураббийи Грэм Поттер “аристократлар” лагерига Леандро Троссардни олиб келмоқчи.

"The Sun" нашри хабарига кўра, "Брайтон"нинг собиқ устози ўзининг собиқ шогирдини клуб билан шартнома имзолашга кўндириш учун музокаралар бошлаб юборган. Миш-мишларга кўра, "Челси" раҳбарияти бельгиялик ярим ҳимоячи учун тахминан 30 миллион евро тўлашни режалаштирмоқда.

Троссарднинг "Брайтон" билан шартномаси жорий мавсум якунида тугайди, шу боис, клуб Леандрони қишда сотиб юбориш ҳақида ўйламоқда.