“Челси” бор жойда ўйнамайман!

“Челси” билан шартномаси якунланаётган марказий ҳимоячи Андреас Кристенсен янги жамоага ўтишга қарор қилган ва ана шу мақсадда “аристократлар”нинг янги битимини қабул қилмади.

Шунга қарамай, даниялик футболчи клубга бўлган ҳурматини сақлаб қолди. Кристенсен Англия премьер-лигаси вакилларидан бўлаётган кўплаб таклифларни қабул қилмаяпти. У ўз қарорини “Челси” ўйнаётган лигада бошқа клуб шарафини ҳимоя қилмаслик билан изоҳламоқда.

Андреасга бошқа чемпионатлардан ҳам чорловлар йўқ эмас. Маҳоратли футболчини “Атлетико”, “Барселона” ва “Бавария” каби суперклублар ўз сафига чорламоқда. Ёзгача юқори савияли ҳимоячини эркин агент сифатида бепул қўлга киритишни истаган харидорлар сафи янада кенгаяди.