"Челси" бош мураббийи: "Менинг жамоам тўғри йўналишда"

Энцо Мареска трансферлар туфайли "Челси"ни ўз йўналишида кетаётган клуб деб ҳисоблайди.

"Айтишим мумкинки, бу ақлдан озган клуб эмас. Бу жамоага келганимдан бери ҳамма бир йўналишда ишламоқда. Клуб билан биргаликда янги ўйинчилар билан шартнома имзолашга қарор қилдик. Биз шундай қарорга келганимиз учун ақлдан озган клуб ҳисобланмаймиз.

Олдин нима бўлганига баҳо бериш мен учун жуда қийин. Чунки мен бу ерда бўлмаганман. Шунинг учун мен бу ҳақда заррача тасаввурга эга эмасман.

Лекин энди мен ҳозир шу ердаман. Клубнинг мақсади ҳақида аниқ йўналишга эгаман. Шу сабабли биз идеал йўналишдамиз", - деди Энцо Мареска.