“Челси” бу ўйинчилардан тез қутилмаса бўлмайди

ФИФА киритган янги қоидалар “Челси”га тез орада ижарада ўйнаётган тўрт футболчисини сотиб юбориш мажбуриятини юклади.

Янги қарорга кўра, 2022 йилнинг ёзидан бошлаб, клублар ўйинчиларнинг ижараси бўйича чекловларга амал қилиши шарт бўлади. Унга кўра, ҳозирча клублар кўпи билан саккиз нафар футболчини ижарага бериши ёки олиши мумкин.

2023 йили бу кўрсаткич еттитага, яна бир йилдан сўнг олтитагача қисқаради.

Бу қарор ҳар йили кўплаб ўйинчиларни ижарага берадиган “Челси”га кутилмаган зарба бўрди. Энди “аристократлар” камида тўрт ўйинчисини сотиб юбориши керак. Клуб биринчи навбатда, асосий таркибга киролмагани учун ижарага жўнатилган Батшуайи, Рахман, Миазга ва Бакайокони сотиб юборади.