“Челси” енгилмас жамоага айланмоқчи

“Челси” мутасаддилари келаси мавсумда ҳужум чизиғини буткул янгилашга қарор қилди. “Аристократлар” бу позицияга Бундеслигада пишган икки тўпурарни олиб келишни режалаштирган.

Лондонликлар “Лейпциг” ҳужумкор футболчиси Кристоф Нкунку трансферини амалда ҳал қилиб бўлди. Франциялик футболчи мавсум тугаши билан Лондонга йўл олади.

Энди унга ҳужумда ҳамкор қилиш учун Тодд Бёли “Боруссия” ҳужумчиси Юссуф Мукокони олиб келишни кўзлаяпти.

Агар бу трансфер амалга ошса, “Челси” Европа клублари орасида энг ўткир ҳужум чизиғига эга жамоалардан бирига айланади.

25 ёшли Нкунку жорий мавсумда жами 29 та учрашувда 17 та тўп киритди ва олтита ассист қайд этди.

18 ёшли Юссуф Мукоко эса Бундеслиганинг 14 та учрашувида олтита гол ва тўртта ассист муаллифи бўлди.