“Челси” футбол тарихидаги супертрансферни амалга оширяпти

“Челси” раҳбарияти ёзги трансферлар ойнаси ёпилгунига қадар “Лестер” футболчиси Уэсли Фофанани ўз сафига қўшиб олиоқчи.

Агар бу трансфер амалга ошса, Фофана футбол тарихидаги энг қиммат ҳимоячига айланади.

L’Équipe нашрининг маълум қилишича, “Челси” бу ўйинчи учун “тулкилар”га бирданига 82,5 миллион евро ўтказиб беради. Кейинчалик “аристократлар” яна бир неча миллион евро миқдорида бонус тўлаб боради.

Айни пайтда энг қиммат ҳимоячи сифатида Ҳарри Магуайр қайд этилган. “Манчестер Юнайтед” бу ўйинчи учун “Лестер”га 87 миллион евро тўлаган. Иккинчи ўринда “Аякс”дан “Ювентус”га 85,5 миллион еврога кўчиб ўтган Маттейс де Лигт турибди. Шунингдек, “Ливерпуль” вакиллари Виржил ван Дейк учун “Саутгемптон”га 84,65 миллион евро берган трансфер кучли учликдан жой олган. Фофананинг трансфери булардан қимматга тушади.