"Челси" футболчиси билан 4 та гранд клуб музокара ўтказди

"Челси"нинг германиялик ҳимоячиси Антонио Рюдигернинг Лондон клубидаги келажаги ҳамон сўроқ остида қолмоқда.

Sky Sports тарқатган хабарга қараганда, "Реал", ПСЖ, "Бавария" ва "Ювентус" клублари аллақачон Рюдигер билан музокаралар ўтказишга улгурган. Томонлар мавсум якунлангач жамоага ўтиш масаласини муҳокама қилишган.

Антонионинг “аристократлар” билан амалдаги шартномаси ёзда ўз ниҳоясига етади. Шу сабабли у бўлажак жамоаси сафига эркин агент сифатида текинга кўчиб ўтиши мумкин.

Ҳозирча “Челси” ва Рюдигер ўртасида ушбу шартномани узайтириш имкониятлари кўриб чиқилаётгани ҳақида аниқ маълумотлар йўқ.