“Челси” Италиядан зўр ўйинчи олиб келди

“Челси” расмий сайти “Ювентус” футболчиси Денис Закария трансфер қилинганини ҳақида хабар тарқатди.

Швейцариялик ярим ҳимоячи мавсум охиригача Лондон клубида ижарада ўйнайди. “Аристократлар” келаси ёз унинг трансфер ҳуқуқини тўлиқ сотиб олиш имкониятига эга.

- Мен “Челси” мухлисларига саломларимни йўллайман. Сизларни “Стэмфорд Бридж”да кўришни интизорлик билан кутяпман. Мен “кўклар” учун ўйнашдан мамнунман, - деди Денис Закария.

Денис илгари Мёнхенгладбахнинг “Боруссия” жамоасида ўйнаган. 2022 йилнинг январида “Ювентус”га трансфер қилинганди. Бироқ, тажрибали футболчи Италия футболига мослаша олмади.