"Челси" Жеррард жамоасини ортиқча қийинчиликсиз мағлуб этди (Видеошарҳ)

Англия Премьер лигаси 11-туридан ўрин олган "Астон Вилла" - "Челси" учрашуви ниҳоясига етди. Унда меҳмонлар 2:0 ҳисобида зафар қучди.

Лондонликларнинг ҳар икки голига Мэйсон Маунт муаллифлик қилди. Дастлаб 6-дақиқада рақиб ҳимоячиларининг хатосидан унумли фойдаланган плеймейкер иккинчи бўлимда жарима зарбасидан рақиб постини ишғол этди. 

Шу тариқа, "аристократлар" очколари сонини 19 тага етказиб олди. Бирмингемликлар ҳисобида 9 очко мавжуд.

Қуйида мазкур баҳс видеошарҳини томоша қилишингиз мумкин: