“Челси” катта трансферга қўл урмоқда

“Челси” раҳбарияти нидерландиялик ҳимоячи Маттейс де Лигтни сўраб, “Ювентус”га яна бир бор мурожаат қиладиган бўлди.

Бу ўйинчи Томас Тухель учун ҳимоя чизиғини кучайтиришга асосий номзод ҳисобланади. Маълумки, “Челси”ни Антонио Рюдигер, Андреас Кристенсен каби тажрибали ҳимоячилар тарк қилди ва клуб уларнинг ўрнини тўлдириши керак.

Аввалроқ, “Челси” туринликларга Маттейсни бошқа ўйинчига алмаштириш вариантини таклиф қилганди.

“Аристократлар” ҳимоячини олиб, ўрнига ҳужумкор футболчи Кристиан Пулишич ёки германиялик ҳужумчи Тимо Вернерни Туринга жўнатмоқчи эди.