"Челси" ПСЖнинг режасини барбод қилмоқчи

Лондоннинг "Челси" клуби раҳбарияти Антонио Рюдигер ва Андреас Кристенсен билан хайрлашганидан сўнг ҳимоя чизиғини мустаҳкамлаш учун ҳаракатни бошлади.

"Football-Italia" нашри хабарига кўра, "аристократлар" "Интер"нинг словакиялик ҳимоячиси Милан Шкринярни сотиб олиш учун музокара бошлаш арафасида.

"Челси" Шкриняр учун курашда асосий фаворит ҳисобланган ПСЖ билан рақобатлашишга тайёр. Парижликлар словакиялик билан шартнома шартлари бўйича ҳалигача келиша олишмади, "Челси" эса бундан унумли фойдаланиб қолмоқчи.

"Интер" футболчисининг трансфер нархи 65 миллион еврони ташкил қилади. Унинг "нерадзуррилар" билан шартномаси 2023 йилнинг ёзига қадар амал қилади.