“Челси” Рюдигерни қўлдан чиқарди

Британиянинг The Independent нашри “Челси” ҳарчанд уринмасин энг кучли ҳимоячиси Антонио Рюдигерни ушлаб қола олмаслигини маълум қилди.

Манбанинг таъкидлашича, германиялик футболчига агентлик қилаётган туғишган акаси “Реал” билан шартнома бўйича келишиб қўйган.

Шу билан бирга ҳали қоғозда ҳеч қандай ҳужжат имзолагани йўқ. Антонио мадридликлар билан оғзаки тарзда келишиб олгани  айтилмоқда.

Рюдигер “Қироллик клуби”га эркин агент сифатида ўтади ва янги иш жойида маошини ҳал қилиб олса бўлди. “Челси” футболчи истаётган маблағни беришга рози бўлмагани учун ҳам Антонио уларнинг янги битимини қабул қилмаяпти.