“Chelsi” sardoriga superklubdan taklif bo‘lyapti

Kataloniyaliklar himoya chizig‘ini “Chelsi” futbolchisi Sesar Aspilikueta bilan kuchaytirishga qaror qildi.

Joan Laportaning 32 yoshli himoyachiga e’tibor qaratayotganining asosiy sababi Sesarning yozda erkin agentga aylanishidir. Tomas Tuxel premer-liga o‘yinlarida tezligi pand berayotgan himoyachiga ko‘p ham ishonch bildirmoqchi emas. Shunga qaramay, klub futbolchining agenti bilan muzokara o‘tkazmoqda.

Kataloniyaliklar esa, Aspilikuetani faqatgina erkin agent sifatida o‘z safiga qo‘shib olmoqchi. Chunki “barselona” anchadan beri moliyaviy inqirozni bartaraf eta olmayapti va bor e’tiborini asosan erkin agentga aylangan o‘yinchilarga qaratmoqda.