“Челси” суперўйинчига даҳшатли сумма тўлайди ва 9 йиллик шартнома беради

“Челси” хўжайини Тодд Бёли жамоа таркибини кучайтириш учун ҳеч қандай харажатдан қочмаслигини кўрсатмоқда.

“Аристократлар” тез орада “Брайтон” ярим ҳимоячиси Мойзес Кайседони ўз сафига қўшиб олади. Бу трансфер лондонликларга умумий ҳисобда 115 миллион фунтга тушади. Бу клуб учун рекорд трансфер бўлади.

Бир неча таниқли инсайдерларнинг таъкидлашича, клуб эквадорлик футболчи билан 8+1 кўринишида катта шартнома имзолайди. Кайседонинг ўзи бир харидор клублар орасидан айнан “аристократлар”ни танлади.

21 ёшли ўйинчи Эквадорнинг “Индепендьенте” клуби тарбияланувчиси ҳисобланади. “Брайтон” уни 2021 йил бошида 5 миллион еврога харид қилган ва бир мавсум Бельгиянинг “Берсхот” жамоасига ижарага берган.  

Истеъдодли ярим ҳимоячи ижарадан қайтганидан кейин қисқа муддатда “Брайтон” етакчисига айланди.