“Челси” супертўпурарга таклиф жўнатди

“Челси” бош мураббийи Томас Тухель ишончни оқлай олмай, “Интер”га қайтиб кетган Ромелу Лукаку ўрнига жамоанинг асосий ҳужумчиси бўладиган форвард қидиряпти.

Ҳозирча, германиялик мутахассис бу позицияга “Барселона”дан Пьер-Эмерик Обамеянгни олиб келмоқчи.

Габонлик тўпурар Англия премьер-лигасида бир неча мавсум ўйнаган ва инглиз футболига тўла мослашиб улгурган.

“Барселона” раҳбарияти ҳам ҳужумчининг шартномаси 2025 йилнинг ярмигача амал қилишига қарамай, уни сотиб юборишга тайёр.

33 ёшли ҳужумчи фаолияти давомида клублар миқёсида 607 та баҳсда иштирок этиб, 310 та гол ва 92 та ассист муаллифи бўлган.