"Челси" тажрибали футболчи билан келишувни узайтирмоқчи

"Челси" ҳимоячи Тьяго Силва билан янги шартнома борасида музокараларни бошлади.

"Le10Sport" нашрининг хабарига кўра, "арристократлар" 36 ёшли бразилиялик футболчи билан келишувни 1 йилга узайтирмоқчи. Унинг амалдаги шартномаси ёзда якунига етади.

Жорий мавсум Силва 21та ўйинда майдонга тушиб, ўз ҳисобига 2та гол ёздириб қўйган. Кеча Лондон клуби Англия кубоги чорак финалида "Шеффилд"ни мағлуб этиб, ярим финалга йўл олди.