"Челси" ва "Бавария" "Арсенал" дарвозабони учун курашмоқда

"Арсенал" посбони Аарон Рэмсдейл фаолиятини бошқа клубда давом эттириши мумкин. Унга "Бавария" ва "Челси"дан қизиқишлар бўлаётгани ҳақда "Daily Mail" нашри хабар бермоқда. 

25 ёшли дарвозабон асосий таркиб футболчиси ҳисобланарди. Аммо ушбу ёзда "канонирлар" "Брентфорд"дан Давид Райани сотиб олиб, бошланғич таркиб учун кураш ҳосил қилди. 

Артета АПЛнинг 5-туридан ўрин олган "Эвертон"га қарши учрашувда Рэмсдейлни эмас, балки Райани майдонга туширди. Шу билан бирга, испаниялик кипер ўз дарвоза дахлсизлигини сақлаб қолди.