“Челси” ва “Ливерпуль” қиммат ҳимоячини кутяпти

Англия Премьер-лигасида  мунтазам юқори ўринлар учун курашадиган  “Челси” ва “Ливерпуль” клублари ёзда амалга ошириладиган трансферлар бўйича иш олиб бормоқда.

Ҳар икки клуби “Ноттингем Форест” ҳимоячиси Муриллогa жиддий қизиқиш билдирмоқда. Бу ҳақда TEAMtalk нашри ёзди.

Футболчининг атрофидагилар ҳам трансфер вариантларини фаол кўриб чиқмоқда, “Ливерпуль” ва “Челси” эса, Муриллони жалб этиш бўйича энг жиддий иш олиб бораётган клублар ҳисобланади.

“Челси” ёзда уч ҳимоячисини сотиб юбормоқчи. “Ливерпуль”да эса Иброҳим Конате ва Жозеф Гомеснинг келажаги ноаниқ бўлиб турибди. Ҳар икки клуб ҳимоя чизиғини кучайтириш мақсадида Муриллони нишонга олган.

Жорий мавсумда Мурилло барча мусобақаларда 25 та ўйинда иштирок этиб, битта гол урган. Унинг клуб билан шартномаси 2029 йил ёзигача амал қилади. Transfermarkt маълумотига кўра, футболчининг бозор қиймати 55 миллион еврони ташкил қилади.