"Челси" ва "Тоттенхэм" даниялик "юлдузча"га қизиқиб қолди
Италиянинг "Лечче" клуби ҳимоячиси Патрик Доргу Англия премьер-лигаси икки вакилининг қизиқишлари доирасига тушиб қолди, деб хабар бермоқда "Tipsbladet".
Манбага кўра, 19 ёшли даниялик футболчига Лондоннинг "Челси" ва "Тоттенхэм" клублари қизиқиш билдирмоқда. Истиқболли футболчининг трансфер қиймати 2,5 миллион еврога баҳоланмоқда ва унинг "Лечче" билан шартномаси 2027 йилнинг ўрталарига қадар амал қилади.
Италия чемпионатининг жорий мавсумида Доргу 12 та ўйинда қатнашди.
Comments