“Челси” ва “Юнайтед”нинг нишони битта

Англия премьер-лигаси грандлари – “Манчестер Юнайтед” ва “Челси” раҳбарияти “Бавария”нинг франциялик ҳимоячиси Бенжамин Паварни трансфер қилишни истамоқда, деб ёзди Bild нашри.

Бу ўйинчига “Ювентус” ва “Атлетико”дан ҳам қизиқиш бор. Бироқ, бу клублар ҳали мюнхенликларга таклиф юборгани йўқ.

26 ёшли Павар 2019 йилдан бери “Бавария” шарафини ҳимоя қилиб келмоқда. Унинг амалдаги шартномаси яна икки йил давом этади.

“Бавария” бу футболчи билан хайрлашишга тайёр. Клуб 30 миллион евро тўлаган жамоага Паварни юбориши мумкин.