"Челси" "Вест Хэм"нинг икки қанот ҳужумчисига кўз тикди

"Челси" клуби "Вест Хэм" жамоасида тўп сурувчи икки қанот ҳужумчиси — Жаррод Боуэн ва Крисенсио Саммервиллни ўз рўйхатига киритган. Бу ҳақда The Guardian нашри хабар берди.

Маълумотларга кўра, лондонликлар бош мураббийи Хаби Алонсо жамоа ҳужум чизиғини кучайтиришни режалаштирмоқда. "Вест Хэм" таркибидаги мазкур икки футболчи испаниялик мутахассис эътиборини тортган. Манбаларга кўра, "Челси" ушбу икки ўйинчини бир вақтнинг ўзида трансфер қилиш эҳтимоли ҳам бор.

24 ёшли Крисенсио Саммервилл ўтган мавсумда барча мусобақалар доирасида 34 та ўйинда майдонга тушиб, 7 та гол урди ва 5 та голли узатма амалга оширди.

29 ёшли Жаррод Боуэн эса ўтган мавсумда турли мусобақаларда жами 42 марта майдонга тушди. У 11 та гол муаллифи бўлди ва жамоадошларига 12 бор голли пас берди.