“Челси” воз кечган юлдузга янги жамоа топилди

Яқинда “Челси”нинг етакчиси бўлган Николас Жексон кейинги пайтда ўйинида пасайиш давом этаётгани боис Энцо Мареска бошчилигидаги мураббийлар штабига керак бўлмай қолган.

Лондонликлар сенегаллик ўйинчидебют мавсумини юқори даражада ўтказганидан кейин ўтган йилнинг кузида у билан ҳамкорлик шартномасини 2033 йилнинг ёзигача узайтириб қўйган эди. Энди уни тезроқ сотиб юборишмоқчи.

Жексон даражасидаги футболчи ишсиз қолмаслиги аниқ. Таниқли инсайдер Фабрицио Романо ҳозирнинг ўзида бу ўйинчига иккита жиддий даъвогар борлигини маълум қилди.

24 ёшли форвадни “Милан” клуби А Серияга олиб кетмоқчи. Ҳужум чизиғини кучайтириш йўлларини қидираётган “Ньюкасл” ҳам сенегаллик ўйинчига ишонч билдиришга тайёр.

“Челси” 2023 йилнинг ёзида “Вильярреал”дан 37 миллион еврога харид қилган Жексоннинг Transfermarkt портали экспертлари томонидан 50 миллион еврога баҳоланмоқда.