“Челси” янги ҳимоячи сотиб олишга яқин

“Челси” трансферлар ойнасида ҳимоя чизиғини кучайтирмоқчи. “Аристократлар” “Монако” футболчиси Бенуа Бадиашилени қўлга киритишга яқин, дея хабар берди “The Athletic” нашри.

Манбанинг таъкидлашича, “Челси” Франция клуби билан музокаралар ўтказмоқда. Иккала жамоа ўзаро келишувга эришиш арафасида. Лондон клубига ушбу трансфер 35 миллион еврога тушиши кутилмоқда.

Бадиашиле ушбу мавсум барча чемпионатларда 18 та ўйинда майдонга тушиб, 2 та гол уришга муваффақ бўлди.