"Челси" январда Роналду вариантига қайтишга тайёр

"Челси" хўжайини Тодд Бели январь ойида "Манчестер Юнайтед" ҳужумчиси Криштиану Роналдуни қабул қилиши мумкин.

Бели Роналдуни ўтган ёзда, Роналду Чемпионлар Лигасидан қайсидир клубга кетишни орзу қилган пайтда таклиф қилишга қизиққан эди.

Кейин Криштианунинг сотиб олинишини Томас Тухел тўсиб қўйди, уни Тодд биринчи имкониятда - ёзги трансфер ойнаси ёпилганидан бир неча кун ўтиб бош мураббий лавозимидан бўшатилди.

Ўшандан бери Роналду "Юнайтед"нинг асосий таркибидаги ўрнини қайтара олмади ва унинг яқинда "Тоттенхем"га қарши баҳсда қилган ҳаракати 37 ёшли португалияликни кийиниш хонасида заҳарли фигурага айлантирди.

"Даилй Маил" хабарига кўра, Бели январда Роналдуни қўлга киритиш учун иккинчи уринишни қилишга тайёр, бироқ Тухел ўрнига келган Грем Поттер бунга қандай муносабат билдириши ҳозирча аниқ эмас.

Аммо маълумки, Бели Роналду манфаатларини ҳимоя қилувчи агент Хорхе Мендес билан яхши муносабатда.