"Chelsi" yozda tarkibni keng ko‘lamda kuchaytirishni rejalashtirmoqda

Londonning "Chelsi" klubi yozgi transfer oynasida tarkibni jiddiy ravishda kuchaytirish niyatida. Bu haqida "Daily Mail" xabar berdi.

Manbaga ko‘ra, "ko‘klar" darvozabon chizig‘idan tashqari barcha pozitsiyalarga yangi futbolchilarni jalb etish uchun katta mablag‘ sarflashni rejalashtirgan.

Shu bilan birga, klub haqiqatdan ham juda katta summa — Moyzes Kaysedo yoki Enco Fernandez transferi darajasidagi mablag‘ni ajratishga tayormi yoki transfer qiymati o‘sish salohiyatiga ega nisbatan arzonroq futbolchini tanlaydimi — bu hozircha aniq emas.

Ta’kidlanishicha, "Atletiko" hujumchisi Xulian Alvares "Chelsi"ning transfer maqsadlari ro‘yxatiga kirmaydi. Argentinalik hujumchining "aristokratlar" safiga o‘tishi haqidagi xabarlar esa faqatgina mish-mish ekanligini aytilmoqda.