“Chelsi” yulduziga yaxshi variant chiqdi

“Chelsi”da o‘zini ko‘rsata olmagan Timo Verner Germaniya chempionatiga qaytishi mumkin. Sky Germany nashrining xabar berishicha, “Borussiya” Timo Vernerni Bundesligaga qaytarish bo‘yicha ish boshlamoqchi.

“Chelsi” 2020 yilning yozida “Leyptsig”da to‘purarlik mahoratini namoyish etib kelgan Timo Verner uchun 53 million evro sarflagan edi. Angliyaga katta umidlar bilan kelgan germaniyalik hujumchi ingliz futboliga moslasha olmadi.

Dastlabki mavsumda Verner kam gol urganiga qaramay, maydonda foydali ishlarni ko‘p bajarar edi. Joriy chempionatda esa o‘yinda tashqarida qolib ketyapti.

Hozircha, Timo Angliya premer-ligasida 14 ta o‘yinda bittadan gol va assist qayd etdi. Dortmundliklar Verner Bundesligaga mos o‘yinchi va yurtiga kelishi bilan gollar seriyasini boshlab yuboradi, degan umidda uni transfer qilmoqchi.