“Челси”да тозалаш давом этади. Уч футболчига харидор чиқди

“Челси” раҳбарияти Томас Тухель асосий таркибда ўйнатмайдиган футболчиларни сотиш ва  ижарага бериш амалиётини бошлаб юборди.

Ҳимоячилардан Трево Чалоба Англиянинг бошқа клубига ижарага кетмоқчи эди. Бироқ, истеъдодли футболчи “Челси” таркибида иккита расмий учрашувни юқори савияда ўтказганидан кейин Томас Тухель уни олиб қолишни ўйлай бошлади. Ҳозирча, 22 ёшли клуб раҳбарияти ва бош мураббийнинг якуний қарорини кутмоқда.

“Аристократлар”нинг ганалик қанот ҳимоячиси Раҳмон Баба клубдан бутунлай кетиши керак. 27 ёшли футболчини Грециянинг ПАОК жамоаси ижарага олмоқчи эди. Лондонликлар футболчини тўлиқ трансфер мақсадида бу чорловни қабул қилмади. Ҳозир Бабага Европанинг бир неча клублари қизиқмоқда.

“Челси”нинг ёш ҳимоячиси Дюжон Стерлинг ҳам асосий таркибга кира олмайди. Клуб хўжайинлари уни Чемпионшипга юборишни режалаштирмоқда. Бу футболчига қуйи лигандан етарлича таклиф бор.