“Chelsi”ga endi bu ikki yulduz kerak emas

“Chelsi” bosh murabbiyi Entso Mareski ikki taniqli futbolchi Rahim Sterling va Ben Chiluellni asosiy jamoadan chetlatdi. Murabbiylar shtabi bu ikki o‘yinchini bir hafta ichida ikkita uchrashuv qaydnomasidan chetda qoldirdi.

Entso Mareska qarorini quyidagicha izohladi.

- Ular alohida shug‘ullanyapti. Ularning vaziyati ochiq va aniq. Tarkibimiz juda katta va hammaga etarli darajada o‘yin vaqti berolmayman. Agar ular o‘ynashni istasa, ketishlari mumkin.

Men ochiq bo‘lishga harakat qilaman. Rahim bilan “Manchester Siti”ga qarshi o‘tkazilgan uchrashuvdan oldin gaplashdim. Unga o‘yin vaqtiga ega bo‘lish qiyinligini va shu bois tarkibga kiritmaganimni aytdim. Men Sterling yomon o‘yinchi, demoqchi emasman, men boshqa hujumkor futbolchilar bilan ishlashni ma’qul ko‘raman.

Ben Chiluell ham yaxshi yigit, lekin unga ham o‘z pozitsiyasida qiyin bo‘lishini aytdim. Bu shavqatsizlik emas, baayni haqiqat, - dedi Entso Mareska.