"Челси"ни ким сотиб олиши мумкинлиги маълум. Абрамович клубни қанчага баҳоламоқда?

Америка консорсиуми Хансёрг Висса билан биргаликда Роман Абрамовичдан "Челси"ни сотиб олиши мумкин.

Швейцариялик тадбиркор бугун Лондон клубини сотиб олишга тайёрлигини билдирди. У фақатгина бунинг учун аввал шериклари билан келишиб олиши лозимлигини такидлади.

Blick нашри тарқатган маълумотларга кўра, Виссанинг потенциал келишувдаги ҳамкорлари учта тадбиркорни ўз ичига олган Америка консорсиумидир.

Бироқ, ҳозирда улар Абрамович сўрайдиган миқдорни жуда юқори деб ҳисоблашмоқда. Россиялик бизнесмен “Челси”ни тахминан икки миллиард фунтга баҳоламоқда.