“Челси”нинг 60 миллион евролик таклифи рад этилди

"Брайтон" ўз ҳимоячиси Марк Кукурельяни сотуви ортидан катта фойда кўришни истамоқда. Журналист Дэвид Орнштейннинг ёзишича, “чайкалар” испаниялик футболчини сотишга тайёр. Ҳозирча Маркга Лондоннинг “Челси” клуби асосий даъвогар бўлиб туриди. Лондон гранди Кукурелья учун 60 миллион евро тўлашга тайёр, бироқ “Брайтон” буни рад этди ва “кўклар”дан каттароқ сумма талаб қилган.

Шунингдек, унга "Манчестер Сити" ҳам қизиқиш билдирган эди. Лекин “шаҳарликлар” керакли суммани тўлашдан бош тортган ва Кукурелья трансферидан воз кечган эди.  

Маълумот ўрнида, Кукурелья ўтган мавсум Англия Премьер лигаси доирасидаги 35 ўйинда майдонга тушиб, бир гол ва бир ассист муаллифига айланган.  Унинг клуб билан шартномаси 2026 йилгача амал қилади. “Тransfermarkt” портали футболчининг нархини 28 миллион еврога баҳолаган.