"Челси"нинг Абрамовичдан кейинги хўжайинлари трансферлар учун қанча маблағ сарфлади?

Тодд Боэли бошчилигидаги янги хўжайинлар қўл остида "Челси"га 14 та янги ўйинчи келди.

Лондон клубининг навбатдаги трансфери 20 ёшли ярим ҳимоячи Нони Мадуэке бўлиб, уни "Челси" ПСВ Эйндховендан 35 миллион еврога (30 миллион фунт) сотиб олган.

Умуман олганда, Боэли бошқарувидаги лондонликлар эҳтимолий бонуслар ва ижара тўловларини ҳисобга олган ҳолда шу кунгача трансферларга 465,5 миллион фунтдан ортиқ маблағ сарфлаган.

"Челси" Мадуэкедан ташқари Михаил Мудрик, Уэсли Фофан, Марк Кукурелла, Рахим Стерлинг, Калиду Кулибали, Беноит Бадиашиле, Карни Чуквумека, Пьер-Эмерик Обамеянг, Давид Фофан, Андрей Сантос, Жоао Феликс, Габриэль Слонин каби футболчилар билан шартнома имзолади.