"Chelsi"ning sobiq himoyachisi "Sevilya" bilan kelishuvga erishdi

Ispaniyalik himoyachi Sesar Aspilikueta yangi klub borasida yakuniy qarorga keldi.

"El Chiringuito"ning xabar berishicha, 36 yoshli futbolchi "Sevilya" bilan og‘zaki kelishuvga erishgan. Shartnoma bir mavsumga mo‘ljallangan bo‘lib, yana bir yilga uzaytirish imkoniyati mavjud.

Yozda "Atletiko" bilan xayrlashgach, Aspilikueta erkin agent maqomini oldi va faoliyatini davom ettirish uchun turli variantlarni ko‘rib chiqdi. Aspilikueta uchun bu professional faoliyatidagi uchinchi ispan klubi bo‘ladi.

"Osasuna" tarbiyalanuvchisi 2010 yilda Frantsiyaga yo‘l olgan va u erda "Marsel" sharafini himoya qilgan. Uning faoliyatining eng muvaffaqiyatli davri "Chelsi"da kechdi, u erda o‘n yildan ortiq o‘ynab, jamoa sardoriga aylandi.