Чемпионлар лигасининг энг яхши ассистенти ким бўлди?

Кевин де Брюйне 2022/23 йилги мавсум Чемпионлар лигасининг энг яхши ассистенти бўлди.

Бугун Истанбулда бўлиб ўтган финалда "Манчестер Сити" "Интер"ни 1:0 ҳисобида мағлуб этди.

Бельгиялик 31 ёшли ярим ҳимоячи биринчи бўлимда жароҳат олиб, 36-дақиқада майдонни тарк этишга мажбур бўлди.

Жорий мавсумда Чемпионлар лигасининг 9 та ўйинида Де Брюйне 7 та голли узатмани амалга оширди.

“Реал” вингери Винисиус Жуниор 12 ўйинда 6 та голли узатма билан иккинчи ўринни эгаллади, ҳимоячилар Федерико Димарко (“Интер”) ва Жоау Канселода (“Ман Сити”/Бавария) 5 тадан голли узатма мавжуд.