Чемпионлик учун кураш давом этади. Яхшибоевнинг жамоаси БАТЭ билан дуранг ўйнади

Бугун Беларусь Олий лигаси 28-туридан ўрин олган марказий ўйин бўлиб ўтди. Унда чемпионлик учун кураш олиб бораётган "Шахтёр" ва БАТЭ жамоалари ўзар кураш олиб борди.

Қизиқарли ва томошабоп тарзда кечган учрашувда кучлар тенг келди - 1:1. Мезбонлар сафида ҳамюртимиз Жасур Яхшибоев учрашувни асосий таркибда бошлади ва 90 дақиқа давомида майдонда фаол ҳаракат қилди.

Шу тариқа, солигорскликлар ҳисобидаги очколар сони 53 тага етди. Чемпионат тугашига 2 тур қолганида БАТЭ 54 очко билан пешқадамлик қилмоқда.

Беларусь Олий лигаси. 28-тур

"Шахтёр" Солигорск - БАТЭ 1:1

Голлар: Бегунов (81 пен) - Нехайчик (25).