Дана Уайт ММАдаги баъзи қоидаларни ўзгартириш кераклигини айтди

UFC промоушени бош директори Дана Уайт жанг якунланиши биланоқ спортчиларнинг октагондан ташқарига чиқиши масаласида лига позициясини аниқ ифодалади.

Дананинг таъкидлашича, спорт комиссиялари ҳар бир ҳолатни алоҳида кўриб чиқиши, аввало жангчининг нияти ва вазият контекстига эътибор қаратиши керак. Умумий қоида асосида ҳаммани бир хил жазолаш тўғри эмас.

"Менимча, қоида шундай бўлиши керак: агар сен октагондан ташқарига агрессив ҳаракат қилиш ёки шунга ўхшаш бирор иш  учун сакраб чиқсанг, албатта, жаримага тортилишинг лозим. Бунга энг ёрқин мисол — Хабиб. Лекин агар сен фақат ҳаяжонланиб, ҳис-туйғулар таъсирида октагонга сакраб чиқсанг, буни катта муаммо деб ўйламайман", — деди Уайт.