Даврон Файзиев:

Бугун про-лиганинг навбатдаги турида “Бухоро” клуби Тошкентда “Олимпик” билан куч синашиб жавобсиз иккита гол урган ҳолда муҳим уч очкони қўлга киритди.

Учрашувдан кейин “Бухоро” бош мураббийи Даврон Файзиев қуйидаги фикрларни билдирди.

- Авваламбор “Олимпик” жамоаси раҳбариятига ташкилий ишлар ҳамда сифатли майдонда тўп суришга шарт-шароит яратиб беришгани учун ўз миннатдорлигимни билдирмоқчиман.

Ўйинга тўхталадиган бўлсам, бугунги баҳсга ўта жиддий тайёргарлик кўргандик. “Олимпик” яхши шаклланаётган ёшлардан иборат жамоа, мураббийи ҳам замонавий фикрлайдиган ажойиб мутахассис ҳисобланади. Аммо ҳар бир жамоа ўз олдига ғалабани мақсад қилиб қўйган. Бизнинг ҳам ўйлаган режаларимиз амалга ошди.

Ўйлайманки, бугунги баҳс барчага манзур бўлди. Қолаверса, бизни ёлғизлатиб қўймаслик учун Бухородан келган мухлисларимизга катта раҳмат. Уларнинг қўллаб-қувватлашини биз ҳар доим ҳис қилиб турамиз. Ғузор, Олмалиқ ва мана, бугун Тошкентда ҳам биз билан бирга бўлишди. Бугунги ғалаба мухлисларимиз учун, -  дея сўзини якунлади Даврон Файзиев.

Матнда хатолик топсангиз, ўша хатони белгилаб, бизга жўнатинг (Ctrl + Enter)