Де Росси Шомуродов ҳақида: "Менга мана шундай футболчилар керак"

"Рома" Италия А Сериясининг иккинчи турида "Эмполи"га мағлуб бўлди. Римликлар сафидаги учрашувдаги ягона голни эса Элдор Шомуродов урди. Ўйиндан кейин жамоа бош мураббийи Даниэле де Росси ўз фикрлари билан ўртоқлашди.

"Элдор машғулотларда ўзини яхши кўрсатаётган футболчи. Менга мана шундай ўйинчилар керак: тезкор, машғулотларда борини берадиган. Бундайлар ўйинга ҳам темп қўша олади", - деди италиялик мутахассис. 

Шомуродов "Рома"нинг мавсумдаги илк голини уришга муваффақ бўлди. Шу билан бирга, мураббийнинг ишончига кириб олаётганини кўриб турибмиз.