De Yong transferi uchun asosiy favorit MYu emas

Londonning "Chelsi" klubi Frenki De Yong bilan shartnoma imzolashni istamoqda. 

"Relevo" nashri bergan xabarga ko‘ra, London klubi niderlandiyalik futbolchi uchun "Barselona"ga taklif bilan chiqishga tayyor. Kataloniyaliklar allaqachon "ko‘klar" unga qiziqayotganidan xabardor. 

Avvalroq, "Manchester Yunayted" Frenkini o‘z safiga qo‘shib olish bo‘yicha rasmiy taklif bilan chiqqani haqida xabarlar tarqalgandi. 

Ayni vaqtda 25 yoshli yarim himoyachi "ko‘k-anorranglilar" safini tark etishni istamaydi. Shunday bo‘lgan taqdirda ham u klubdan shartnomada ko‘rsatilgan sodiqlik badalini olishni istaydi. (15 million evro)

Frenki MYuga o‘tishni istamasligini bir necha bor ma’lum qilgan, ammo "aristokratlar" varianti unga qiziqarli. Shuningdek, London klubining EChLda ishtirok etishi ham "Chelsi"ga ustunlik berishi mumkin.