Дембеле: "Реал"нинг шу футболчисини "Барса"га олиб келган бўлардим...

"Барселона" ҳужумчиси Усмон Дембеле "Реал"нинг қайси футболчисини Каталония клубида кўришни хоҳлашини айтди. Франциялик футболчи бу борада “қаймоқранглилар”нинг энг кекса футболчиси – 37 ёшли Лука Модрични танлади.

“Реал”нинг қайси ўйинчисини "Барселона"га олиб келган бўлардим? Лука Модрич. Менга Марк-Андре тер Штеген ёқади, аммо Тибо Куртуа ҳам ажойиб дарвозабон. Лекин мен барибир Модрични танлайман”, - деди Дембеле Marca нашрига берган интервьюсида.

Эслатиб ўтамиз, Модрич тез орада "Реал" билан шартномасини яна бир йилга узайтиради. Хорватиялик футболчи "қироллик клуби" билан янги шартнома имзолаш учун Саудия Арабистонининг фойдали молиявий таклифларини рад этди.