Дембеле терма жамоадаги фаолиятини тўхтатди

Хитойнинг "Гуанчжоу Фули" жамоаси ярим ҳимоячиси Мусса Дембеле Бельгия терма жамоасидаги фаолиятини тўхтатгани ҳақида маълум қилди.

“Мен Роберто Мартинес билан гаплашдим. Биз энди оиламиз билан Гуанжоуда яшаяпмиз. Мен учун Хитойдан Бельгияга бориб келиш узоқлик қилади. Мен бор эътиборимни клубга қаратмоқчиман. Шу боис ҳозирчи Бельгия терма жамоасида ўйнашни режалаштирмаяпман”, - дейди Дембеле.

Маълумот учун, 32 ёшли Дембеле "Гуанчжоу Фули" жамоасига 2019 йилнинг январида “Тоттенхэм”дан кўчиб ўтган эди. Жорий мавсум у гуанжоуликлар сафида 23 та ўйинда майдонга тушди ва 1 та гол ҳамда 4 та голли узатма ёздириб қўйишга эришди. У Бельгия терма жамоасида ҳозиргача 82 та ўйинда майдонга тушган ва 5 та гол уришга муваффақ бўлган.