Денисов: "Португалияга қарши ўйинда Ўзбекистондан мўъжиза кутамиз"

Жаҳон чемпионати – 2026 мусобақасининг гуруҳ босқичи иккинчи турида Ўзбекистон терма жамоаси Португалияга қарши майдонга тушади. Ушбу учрашув арафасида собиқ футболчи Виталий Денисов ўз фикрларини билдирди.

"Португалияга қарши ўйинда Ўзбекистондан мўъжиза кутишимиз мумкин. Хўш, бу қандай мўъжиза? Яқинда Конго ДР терма жамоаси айнан шундай ишни амалга оширди – Португалия билан дуранг ўйнашга эришди. Демак, Ўзбекистон ҳам шундай натижага эришиш имкониятига эга", – дея Денисовнинг сўзларини келтиради Metaratings.ru.

Ўзбекистон ва Португалия терма жамоалари ўртасидаги беллашув эртага, 23 июнь куни бўлиб ўтади. Учрашув бошланиш вақти – Тошкент вақти билан соат 22:00.

Эслатиб ўтамиз, биринчи турда Фабио Каннаваро шогирдлари Колумбияга қарши ўйинда 1:3 ҳисобида мағлубиятга учраган эди.