Денисов Сергеевга қарши туролмади!

Россия Миллий футбол лигасидаги жойини сақлаб қолиш учун курашаётган “Томь” ўз майдонида мусобақа пешқадами “Крилья Советов” футболчиларини қабул қилди.

Мезбон жамоа сардори Виталий Денисов шу куни собиқ жамоасига қарши тўп тепди. Учрашувда турнирда турли мақсадлар сари курашаётган жамоалар ўзаро тўқнаш келган бўлса-да, баҳс кескин ва муросасиз руҳда ўтди.

Биринчи бўлим ўрталарида мезбонлар ўз жарима майдончасида рақиб футболчисига нисбатан ўйин қоидасини бузди. Иван Сергеев 11-метрлик белгидан аниқ зарба билан ҳисобни очди. Кейинроқ, Виталий Денисов рақиб ҳужумини қайтариш чоғида қўполлик ишлатгани учун 43-дақиқада ҳакам томонидан огоҳлантирилди.

Ўйиннинг иккинчи ярмида “Томь” футболчилари ҳисобни тенглаштиришга муваффақ бўлганди. 64-дақиқада Ричлорд Эннин аниқ зарба билан пешқадам жамоа дарвозабони Иван Ломаевни ожиз қолдирди.

Бироқ, 76-дақиқага келиб, Виталий Денисов бошчилигидаги ҳимоячилар Иван Сергеевни тўхтатиб қола олмади ва лига тўпурари иккинчи голини киритиб, “Крилья Советов”  ғалабасини таъминлади. Ўйин охирида Егор Голенков мезбонлар дарвозасига учинчи голни ҳам урди. 

 “Томь” 29 та учрашувда 21 очко тўплаган ҳолда, 21-поғонада қолмоқда.

Фикрлар

Саралаш
Фикр қолдириш учун авторизациядан ўтинг!
Дилшод Даврлнов
10/03/2021 21:29
Йгир Сергийвми дебман Санлар качонгача одамларни калака киласанлар Узмизда Йгир Сергиев борлигини билиб туриб ..Динесив Сергийвга карши туролмади.. десанлар Буни укиган Йгирни мухлислари ва фудбол мухлислари табийки укийди ва алданади Сан лутивозларни сарлавхаларингни рахбарият куриб чикмайдими Бу нима гап хар доим шунаканги асабга тегадиган Сарлавха топасанлар бундан куп обуначилар сизлардан норзи Эси калтафахумлар мингмарта айтганинг билан уша гап хамма жоеда ёлгон Кимга айтишинг Кимга боришинг Оллохдан узгага
Жавоб ёзиш