Дешам Мбаппе ҳақида: «Сизлар уни диктатор қилиб кўрсатяпсиз, лекин бу ҳақиқатга тўғри келмайди

Франция терма жамоаси бош мураббийи Дидье Дешам жамоадаги Килиан Мбаппе роли ва унинг етакчилик фазилатлари ҳақида фикр билдирди.
 

– Сизнингча, Килиан Мбаппе сардор сифатида етарлича етилиб улгурдими?
 

– Унга нисбатан баъзан гўё “диктатор” деган тасвир яратилади, лекин бу образ Килианнинг ҳақиқий қиёфасига мутлақо тўғри келмайди. У йиғинлар бошланган биринчи кунданоқ тўғри кайфият, тўғри муносабат билан ишга киришди. У гапирганда, фақат ўзини эмас, бутун жамоани ифодалайди.
 

У менга ўйинчиларнинг муаммоларини етказади, ҳатто бу масалалар унга бевосита боғлиқ бўлмаса ҳам. Агар сен бошқалар ҳақида қайғурмоқчи бўлсанг, ўзингда муаммо бўлмаслиги керак. Агар жамоада муаммосиз ўйинчи бор десак, у – Килиан. Ҳамма унга эргашяпти. Бизда жуда яхши жамоа шаклланган, шундай шароитда уни сардор этиб танлаганим табиий ҳол, – дея таъкидлади Дешам.
 

Қизиғи шундаки, “диктатор Мбаппе” ҳақидаги ҳазил-мемлар энди Франция терма жамоаси ичида ҳам айланиб юрибди.
 

Ижтимоий тармоқларда эса “диктатор Мбаппе термани ҳам қўлга олди, энди навбат Дешамга етди”, деган ҳазиломуз шарҳлар ҳам тарқалмоқда.