Дешам: Мен энг бақувват икки футболчидан Мбаппени парагвайликлардан ҳимоя қилишни сўрадим

Франция терма жамоаси бош мураббийи Дидье Дешам жаҳон чемпионати 1/8 финал босқичида Парагвайга қарши ўйин пайтида Килиан Мбаппенинг соғлиғи учун жиддий хавотирланганини тан олди.

Учрашув курашларга бой ўтди ва французлар минимал ҳисобда ғалаба қозонишди. Ягона гол 70-дақиқада пенальтидан Килиан Мбаппе томонидан урилди.

- 2018 йилда Уругвайга қарши ўйинда Килианни майдондан олиб чиқишга мажбур бўлганимни яхши эслайман – рақиблар уни майдонда йиртиб ташлашга тайёр эди. Бугун эса ўйин охирида Мбаппени ҳимоя қилиш учун жамоамиздаги энг бақувват икки футболчидан уни атрофида бўлишларини сўрадим. Чунки мен футболчиларимни йўқотишни истамайман, – деди Дидье Дешам.

Шу тариқа, Франция "ЖЧ–2026"нинг чорак финалига йўл олган иккинчи жамоага айланди. Илгарироқ бу босқичга Марокаш йўл олган эди. 9 июль куни айнан шу икки жамоа ярим финалга чиқиш йўлланмаси учун майдонга тушади.