Di Mariya mavsumlar oralig‘ida "Yuventus"ni tark etishi mumkin

“Yuventus” va Argentina terma jamoasi yarim himoyachisi Anxel di Mariya qishki transferlar vaqtida Italiya klubini tark etishi mumkin, deb xabar bermoqda Tuttosport.

Manbaga ko‘ra, 34 yoshli futbolchiga MLS va vatani Argentina klublaridan takliflar bor. Di Mariyaning turinliklar bilan amaldagi shartnomasi kelasi yilning yoziga qadar mo‘ljallangan. Transfermarkt portali ushbu futbolchini 10 million evroga baholamoqda.

Eslatib o‘tamiz, di Mariya o‘tgan yozda Frantsiyaning PSJ klubidan "Yuventus"ga ko‘chib o‘tgan edi. Joriy mavsumda yarim himoyachi turinliklar safida 10ta o‘yin o‘tkazib, 1 ta gol va 4 ta golli uzatmaga mualliflik qildi.