Dibala faoliyatini La Liga jamoasida davom ettirishi mumkin

Argentina terma jamoasi va "Roma" hujumchisi Paulo Dibala mavsum oxirida Rimni tark etishi mumkin. Bu haqda "Todofichajes" portali xabar bermoqda.

Manbaga ko‘ra, 30 yoshli forvardda Ispaniya chempionatida o‘ynash imkoniyati bor. Dibalaning xizmatlariga La Liganing ikki top klubi qiziqish bildirmoqda. Gap Kataloniyaning “Barselona” va Madridning “Atletiko”si haqida ketmoqda.

Pauloning Rim klubi bilan shartnomasi kelasi yilning o‘rtalariga qadar amal qiladi. "Transfermarkt" portali uning narxini 25 million evroga baholamoqda.

A Seriyaning joriy mavsumida 30 yoshli hujumchi 16 ta o‘yin o‘tkazib, 8 ta gol urdi va 6 ta golli uzatmani amalga oshirdi.