Dibala "Roma"ga o‘tgach, ilk fikrlarini bildirdi

Paulo Dibala "Roma"ga o‘tganidan so‘ng bu haqda o‘z taassurotlari bilan o‘rtoqlashdi.

Bugun "Yuventus"ning sobiq hujumchisi Rim klubi bilan 3 yillik shartnoma imzoladi.

“Shartnoma imzolanishidan oldingi kunlar men uchun nihoyatda hayajonli kechdi.

Hammasini “Roma”ning meni taklif qilish istagida ko‘rsatgan tezkorligi va qat’iyati hal qildi.

Men yuksalib borayotgan jamoaga o‘tyapman, klub kelajak uchun mustahkam poydevor qo‘ymoqda. Qolaversa, Joze Mourino bilan ishlash men uchun sharaf.

“Roma”ning raqibi sifatida men hamisha jamoa muxlislariga qoyil qolganman. Ular bilan ko‘rishishni intiqlik bilan kutyapman”, - dedi argentinalik yulduz.